أوروبا

أهلاً يا شباب, أنا عايز أتكلم عن سفري للنمسا و بلدين تانيين, سلوفاكية و جمهورية الشيك. سافرت النمسا مع صاحبي في ديسمبر السنة اللي فاتت لما كنت بادرس في المغرب. صاحبي كان بيدرس في الجامعة الأمريكية بالقاهرة. وصلنا النمسا بالليل و كان الجوّ برد قوي, مش زي المغرب. أخدنا الأتوبيس لفيينا, العاصمة النمساوية. كانت المدينة حلوة قوي و منظمة و متقدمة فيها ثقافة و تاريخ طويل عشان كانت مركز لامبراطورية الهابسبورج. فيها قصور و متاحف و مطاعم كتيرة و حلوة. قابلنا سياح تانيين كتير و كان جو المدينة حلو قوي. كان وسط البلد متزين و كان فيها زحمة و احتفالات كتيرة, خصوصاً في رأس السنة. زي المانيا, النمساويين بيشربوا الخمرة في كل الأماكن العامة. الكلام ما كانش صعب عشان معظم النمساويين بيتكلموا الانجليزي كويس قوي, هم بيتعلموا الانجليزي في المدرسة. في يوم أجرنا عربية و رحنا القرية و معسكر الإبادة اسمه "متهوسن" و كانت التجربة موثرة جداً. بعد النمسا, سافرنا لسلوفاكيا و مدينة براغ كمان. سلوفاكيا كانت وحشة قوي و ما فيهاش ثقافة أو مطاعم كويسة و كل المتاحف كانت مقفولة. سيبنا سلوفاكيا و رحنا براغ. براغ كانت حلوة, مش أحلى من فيينا, بس كويسة. لكن في براغ و السلوفاكيا, تأثير النظام الشيوعي القديم واضح قوي في شكل العمارات و اللون الرمادي المنتشر. أنا عايز أرجع النمسا كتير تاني بس المرة الجاية, في الصيف.