عايز أتكلم النهار ده عن "دي نويه ڤاخه" ("الحرس الجديد" بألمانى) اللى هو نصب تذكارى للحرب يقع فى بيرلين.أنا زرته من سنتين وانا كنت ساكن مع واحد صاحبى فى ألمانيا. هو عايش فى شمال البلاد فى هامبورج، بس انا رحت العاصمة مرتين. وأول مرة كانت زيارة سياحية مية مية. شفت مثلا مبنى الرايخستاج وبوابة براندنبورج والمكان اللى النازيين حرقوا الكتب فيه. ودلوقتى فيه نصب تذكارى فى الساحة دى.
وقدام الشارع فيه الحرس الجديد. وهو مبنى متوسط الحجم مبني بالإسلوب الكلاسيكى الحديثى. بس المهم هو اللى جواه.
النصب التذكارى كله بيتكون من أوضة واحدة كبيرة وواسعة وخالية جدا من غير تزيين كتير. وفى وسط الأوضة فيه نحت واحد بيصور مامه لاجئة فى دراعيها ولدها الميت. وفوق رؤوسهم حفرة فى السطح، فالمامه والولد متعرضين للتلج والأمطار. ومكتوب تحت النحت "لضحايا الحرب والاستبداد."
وانا شفت أنصاب تذكارية كتيرة فى خمس قارات، بس عمرى ما شفت حاجة أثرت عليا زى الحرس الجديد. ممكن ده عشان بساطته أو عمومه أو كونه مش لأبطال الحروب والثورات بس عن الناس الحقيقية اللى بتعانى وبتخاف وبتجوع وبتموت.
وفيه نص مكتوب على حيطة من حيطان للنصب التذكارى بتتكلم عن الناس اللى اتبنى النصب التذكارى عشانها، أى عن ضحايا الحروب وبشكل خاص الحربين العالميين. وفيه سطر واحد اتلصق فى بالى لحد النهار ده. وهو "بنكرم الرجالة والستات اللى ضحوا بحياتهم عشان يقاوموا الاستبداد. فبنكرم كل اللى فضل الموت على عمل حاجة ضد ضميره."
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.