السلام عليكم ورحمة الله وبركاته يا جماعة، أنا اسمى كيفن بطس وأنا طالب فى السنة الثالثة فى جامعة ماريلاند متخصص فى الإسبانى والعربى. وأنا مشارك كمان فى برنامج فلاجشيب اللى باموت فيه. وأنا اتولدت في مدينة كونكورد في نيوهامشير بس ساكن فى ماريلاند من 1998 فى مدينة مونتجوميري ﭬﯿﻠﯿﭻ قريب من جايثيرزبورج.
بالنسبة لوقت فراغى ماعنديش هه. باحب أقرا وأتفرج على الأفلام وأقعد مع أصحابى وأجرى إلخ. وباهتم قوى باللغات وباتكلم عربى وإسبانى زى ما قلت (وساكن فى بيت اللغات فى الشقة الإسبانية) وشوية ألمانى كمان وعايز أتعلم لغات كثيرة مختلفة تانية زى المجرى والكيتشوا والباسكى والصينى إلخ إن شاء الله.
والحمد لله قضيت معظم الصيف اللى فات فى تونس عشان أذاكر العربى. وكنت ساكن مع عيلة تونسية صغيرة لكن لطيفة جدا وانبسطت قوى. وما سافرتش مصر قبل كده لكن تونس ماحلاها، سبحان الله. ولو كنتوا عايزين يتعلموا شوية لهجة تونسية، مَرْحْبَا بِكُمْ!
وده شوية عنى. إذا عندكوا أسئلة تانية أهلا وسهلا بيكوا!
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.